講 回 “ 阿 梅 做 過 的 瘋 狂 行 為 ” 既 然 你 不 介 意 知 道 我 這 些 鎖 碎 事 ， 這 樣 我 亦 唔 介 懷 同 大 家 分 享 ！

事 緣 的 瘋 狂 行 為 是 發 生 在 近 這 一 年 的 ， 以 前 喜 歡 阿 梅 係 唔 太 鍾 意 同 人 講 的 ， 比 較 係 收 收 埋 埋 個 隻 ， 後 來 機 緣 巧 合 下 ， 我 上 網 找 到 幾 個 Anita 的 網 頁 之 後 就 入 去 睇 下 ， 四 圍 八 八 ， 亦 在 無 意 之 間 ， 貪 得 意 在 網 上 流 言 ， 這 樣 就 改 變 了 我 一 生 喇 ！

話 說 某 次 流 了 言 後 ， 就 不 知 為 何 成 日 心 思 思 咁 上 番 留 言 板 ， 睇 下 有 沒 有 人 回 應 我 同 講 怎 麼 ， 誰 知 只 得 網 主 回 應 我 ， 不 過 都 不 打 緊 ， 這 樣 已 經 好 開 心 ！ 如 是 者 就 咁 過 了 一 段 時 間 ， 期 間 久 不 久 都 有 繼 續 流 言 ， 不 過 結 果 都 係 一 樣 ， 後 來 該 處 網 主 見 我 咁 多 言 ， 她 就 流 言 建 議 我 到 另 一 個 處 地 方 睇 ， 從 此 我 就 去 了 個 度 ！

咦 ！ 真 係 鬼 整 囉 ！ 怪 唔 得 我 係 個 邊 咁 耐 都 無 人 埋 啦 ！ 原 來 佢 地 班 人 係 鍾 意 係 呢 度 留 言 傾 計 ， 所 以 我 就 馬 上 睇 下 人 地 講 乜 ， 跟 住 就 緊 係 唔 執 輸 係 個 度 留 了 言 喇 ！ 如 是 者 就 咁 又 過 了 一 段 時 間 ， 期 間 都 有 人 留 下 言 回 應 ， 講 些 幾 癈 的 癈 話 ， 這 樣 當 然 已 經 令 到 我 不 知 幾 咁 開 心 ， 之 後 我 又 繼 續 我 的 留 言 生 活 。

我 每 日 都 會 上 去 睇 下 個 留 言 板 ， 跟 住 就 識 了 幾 位 好 多 朋 友 ， 人 亦 開 始 大 膽 了 ， 敢 同 其 他 人 講 我 喜 歡 阿 梅 ， 有 時 去 到 一 些 活 動 ， 見 到 有 人 講 緊 阿 梅 ， 我 又 好 自 然 咁 伸 個 頭 去 聽 聽 她 們 講 乜 ， 而 亦 因 為 咁 我 發 現 好 多 人 都 係 好 鍾 意 阿 梅 ， 但 她 們 原 來 好 似 以 前 的 我 ， 比 較 係 沉 靜 ， 是 用 心 去 喜 歡 ， 默 默 支 持 那 種 。

而 當 我 跟 這 班 朋 友 熟 落 後 ， 就 知 道 她 們 多 年 來 收 集 了 阿 梅 好 多 不 同 的 物 品 ， 好 似 一 些 錄 影 的 節 目 、 訪 問 、 歌 曲 及 剪 報 等 等 。 相 對 於 我 而 言 由 於 當 年 喜 歡 阿 梅 時 年 紀 較 少 ， 所 以 擁 有 阿 梅 的 物 品 真 是 寥 寥 可 數 ， 看 見 她 們 的 珍 藏 物 品 ， 真 是 令 我 發 狂 ， 無 奈 它 們 都 不 屬 於 我 的 。

後 來 ， 很 好 運 ！ 她 們 久 不 久 就 複 製 一 些 好 東 西 給 我 ， 每 次 收 到 都 令 我 開 心 到 o 彭 o 彭 聲 ， 次 次 回 家 都 睇 到 三 更 半 夜 ， 還 要 係 越 睇 越 精 神 個 隻 喎 ！ 唔 係 阿 媽 用 盡 九 牛 二 虎 之 力 都 唔 洗 指 意 叫 到 我 去 睡 覺 。

有 次 幾 次 好 正 ！ 我 有 一 個 新 相 識 的 朋 友 ， 因 為 要 搬 屋 ， 所 以 將 儲 了 多 年 阿 梅 訪 問 就 送 哂 比 我 。 嘩 ！ 真 係 開 心 到 死 ， 個 度 真 係 有 好 多 物 品 ， 大 約 有 成 十 本 畫 冊 咁 多 ， 阿 梅 85 年 至 92 年 的 訪 問 ， 足 足 用 了 好 幾 個 晚 上 才 能 看 完 。 訪 問 中 有 些 比 較 零 碎 的 ， 我 用 了 幾 個 晚 才 整 理 妥 當 ， 雖 然 是 很 倦 ， 但 都 好 開 心 ， 一 邊 聽 阿 梅 的 歌 一 邊 睇 關 於 阿 梅 的 物 品 ， 非 常 享 受 ！

另 一 方 面 ， 我 的 “ 瘋 狂 行 為 ” 就 在 這 個 時 候 慢 慢 開 始 ， 這 就 是 同 其 他 梅 迷 複 製 我 朋 友 的 珍 藏 品 ， 如 阿 梅 的 錄 影 及 VCD 。 其 實 講 真 這 些 不 太 算 太 瘋 狂 行 為 ， 但 大 家 再 看 下 去 ， 因 為 我 見 朋 友 咁 幫 忙 ， 成 日 送 東 西 給 我 ， 當 我 有 時 識 到 新 朋 友 時 ， 知 道 她 們 無 這 個 錄 影 ， 我 就 口 多 多 問 她 需 要 複 製 嗎 ？ 如 是 者 我 就 欠 下 一 身 街 數 ， 大 大 話 話 都 有 成 百 幾 隻 ， 攪 到 每 晚 的 節 目 就 是 燒 碟 燒 碟 ， 同 埋 都 係 燒 碟 。 晚 晚 做 到 好 夜 ， 唔 到 我 阿 媽 發 最 後 通 碟 都 唔 去 睡 覺 ， 第 二 朝 阿 媽 就 用 鑊 燦 ， 燦 我 都 唔 識 起 身 ， 就 係 咁 日 日 都 唔 夠 精 神 ， 無 心 番 工 。 放 工 後 ， 就 一 支 箭 回 家 開 工 ， 講 真 我 其 實 都 唔 太 知 道 邊 份 係 正 識 ， 邊 份 係 副 業 來 的 。

不 過 都 係 好 開 心 ， 話 曬 唔 係 人 地 ， 我 都 不 能 擁 有 阿 梅 的 物 品 ， 所 以 幫 下 人 都 不 錯 ， 同 埋 大 家 都 係 阿 梅 的 歌 迷 ， 所 以 無 所 謂 啦 ！ 正 如 你 們 做 網 頁 ， 我 都 知 道 好 辛 苦 ， 而 我 的 瘋 狂 行 為 又 是 粹 料 ， 都 真 係 不 足 為 題 。 但 係 講 真 個 句 都 係 幾 累 ， 現 在 舊 數 未 清 ， 好 彩 不 太 多 ， 否 則 真 係 有 排 做 熊 貓 囉 ！

---

網 主 留 言
阿 儀 其 實 你 所 指 的 個 度 同 邊 度 ， 究 竟 係 邊 度 同 個 度 呢 ！ 網 主 睇 完 都 一 頭 霧 水 ， 還 有 你 的 口 語 化 太 嚴 重 了 ， 本 來 我 都 打 算 慢 慢 執 ， 但 越 執 越 頭 痛 ， 所 以 最 後 決 定 放 棄 算 吧 ！ 哈 哈 ！

你 的 瘋 狂 行 為 雖 然 不 是 直 接 與 梅 姐 有 關 ， 但 都 是 一 種 開 心 的 經 歷 ， 間 接 上 都 與 梅 姐 好 有 關 係 ， 原 來 現 在 我 先 知 你 那 麼 熱 心 ， 可 以 替 人 複 製 燒 碟 。 喂 喂 ！ 你 好 似 無 問 過 我 要 唔 要 燒 碟 喎 ！ 嘻 嘻 ！ 講 笑 ！ 希 望 你 們 今 年 可 以 與 一 大 班 網 上 梅 迷 在 演 唱 會 上 玩 得 開 心 玩 得 盡 情 ， 記 住 要 全 程 投 入 忘 我 演 出 。